მთიანი რეგიონების ტურიზმის მდგრადი განვითარების გამოწვევები და პერსპექტივები (შვეიცარიის იურის კანტონის მაგალითზე)

ანოტაცია

ტურიზმი სოციალურ-კულტურული ფენომენია, რომელიც მნიშვნელოვან როლს თამაშობს საზოგადოების სოციალურ-ეკონომიკურ განვითარებაში. ტურიზმის ინდუსტრია ქმნის სამუშაო ადგილებს, ხელს უწყობს მცირე ბიზნესის განვითარებას, აძლიერებს სოციალურ ინტერაქციას კულტურათა შორის, და ა.შ. თანამედროვე მსოფლიოსთვის ტურიზმის მდგრადი განვითარება მნიშვნელოვანი გამოწვევაა. ტურიზმის განვითარებას თან ახლავს სოციალური, ეკონომიკური და ეკოლოგიური ზემოქმედების ფორმები (როგორც დადებითი, ასევე უარყოფითი), რაც ტურიზმის წარმოების მასშტაბთან ერთად, დღითიდღე იზრდება.

ნაშრომში განხილულია ტურიზმის მდგრადი განვითარების გამოწვევები და პერსპექტივები იურის (შვეიცარია) კანტონის მაგალითზე. გამოკვეთილია ის კონფლიქტები, რომლებიც დაკავშირებულია უშუალოდ გარემოზე ტურიზმის ზეგავლენასთან.