საქართველოს საკურორტო-რეკრეაციული პოტენციალი და კურორტების ზოგიერთი გეოგრაფიული მახასიათებელი

ანოტაცია

სტატიაში განხილულია საქართველოს რეკრეაციული და საკურორტო პოტენციალის ზოგიერთი მახასიათებელი, საქართველოს კურორტების (ოფიციალური ნუსხის მიხედვით) ტიპები, გეოგრაფიული მდებარეობა ადგილის, სიმაღლის და რელიეფის ფორმის მიხედვით, კურორტებზე მინერალური წყლის ტიპები და კურორტების სამკურნალო პროფილი.
კვლევისშედეგად დადგენილია, რომ საქართველოს კურორტების უდიდესი ნაწილი კლიმატური (თითქმის ნახევარი) და ბალნეოლოგიური პროფილისაა. ამგვარი ვითარება მკაფიოდ მეტყველებს საქართველოს კლიმატურ და ბიოლოგიურ მრავალფეროვნებაზე, მინერალური (თერმული) წყლების დიდ რაოდენობაზე, აგრეთვე მთიანი რელიეფის და მაგმური წარმოშობის გეოლოგიური აგებულების მასშტაბებზე. ყოველივე ეს აისახება კლიმატური, ბალნეო-კლიმატური და ბალნეოლოგიური კურორტების დიდ რაოდენობაზე.