ისტორიული გზები და მისი განვითარების პერსპექტივები საქართველოში

ანოტაცია

სტატიაში განხილულია საქართველოს ისტორიულად არსებული გზები და მათი სამომავლო პერსპექტივები. გამოთქმულია მოსაზრება, რომ ზოგიერთი ისტორიული გზების აღდგენით, შესაძლებელია ახალი ლოჯისტიკური ქსელის შექმნა ქვეყნისა და კავკასიის რეგიონის მასშტაბით. ამას გარდა, აღსანიშნავია, რომ რუსეთ-უკრაინის ომის ფონზე აუცილებელია საქართველოს სატრანზიტო ფუნქციის უკეთ გამოყენება, რათა იგი რეგიონში საკვანძო ქვეყანა გახდეს. საკითხის სიღრმისეული შესწავლა ევროპისა და აზიის ერთმანეთთან უკეთ დაკავშირების და ქვეყნის ეკონომიკური განვითარების წინაპირობა გახდება. ამისთვის კი აუცილებელია კასპიისა და შავი ზღვის დამაკავშირებელი რკინიგზის განვითარება და ტვირთბრუნვის გაზრდა. დახასიათებულია საქართველოში არსებული გზების გეოგრაფიული თავისებურებები და მათი კავშირი გეოგრაფიულ გარემოსთან.