ეთნოგეოგრაფიის სტრუქტურა

ანოტაცია

ეთნოგეოგრაფია არის ინტერდისციპლინური მეცნიერება, რომელიც ეთნოლოგიასა და გეოგრაფიას შორის მდებარეობს. ერთი მხრივ, ეს არის დარგი, რომელიც სწავლობს ეთნიკური ჯგუფების ტერიტორიულ განაწილებას და წარმოადგენს მოსახლეობის გეოგრაფიის ნაწილს. უფრო ფართო გაგებით კი, ეს არის დამოუკიდებელი დისციპლინა, რომელიც ადამიანის გეოგრაფიის ყველა სფეროს ეთნიკური პერსპექტივიდან იკვლევს.
ამ სტატიაში ეთნოგეოგრაფია განხილულია მეორე, უფრო ფართო გაგებით და ხდება მცდელობა დარგის სტრუქტურირებისა. გამოიყოფა ეთნოგეოგრაფიის ექვსი შემადგენელი დარგი:
1. ისტორიული ეთნოგეოგრაფია;
2. მოსახლეობის ეთნოგეოგრაფია;
3. კულტურის ეთნოგეოგრაფია;
4. ეკონომიკური ეთნოგეოგრაფია;
5. სოციალური ეთნოგეოგრაფია;
6. პოლიტიკური ეთნოგეოგრაფია.
თითოეული დარგი მოიცავს რამდენიმე ქვედარგს. მაგალითად, მოსახლეობის ეთნოგეოგრაფია ში შეიძლება გამოიყოს დემოგრაფიული ეთნოგეოგრაფია, მიგრაციების ეთნოგეოგრაფია, ურბანული ეთნოგეოგრაფია და სხვა. პოლიტიკურ ეთნოგეოგრაფია ში შეიძლება გამოიყოს ისეთი ქვედარგები, როგორიცაა საარჩევნო ეთნოგეოგრაფია და ეთნიკური გეოპოლიტიკა. სტატიაში აღწერილია ეთნოგეოგრაფიის ძირითადი დარგების და ქვედარგების არსი.